Deportes de Rianxo organiza un curso de reanimación cardiopulmonar básica

O Servizo de Deportes do Concello de Rianxo organiza un Curso de Reanimación Cardiopulmonar Básica (RCP) e DESA (Desfibrilador Semiautomático). Segundo confirmou a área de Deportes, hai 6 prazas dispoñíbeis para a xornada formativa programada para este 22 de maio e 20 máis para outra edición por determinar, aberto a toda a poboación maior de 18 anos.

O obxectivo é iniciar ás persoas participantes nas metodoloxías básicas de reanimación cardiopulmonar, no soporte vital básico e no manexo do DESA, capacitándoas para atender unha emerxencia nas mellores condicións posíbeis até o intre da chegada dos servizos médicos.

As reservas faranse por rigorosa orde de inscrición na oficina do servizo de deportes, a través do seu teléfono (661247136) ou no correo electrónico deportes@concelloderianxo.gal. A actividade é gratuíta e ao remate do mesmo expedirase un certificado avalado pola SEMFYC, o consello español de RCP e homologado polo consello europeo de RCP.