Este 20 de maio a Concellaría da Cultura da Pobra do Caramiñal repartiu aproximadamente 1.000 libros en lingua galega entre tódolos centros de ensino do termo municipal.
A devandita iniciativa abéirase ao programa local de actividades de conmemoración ao Día das Letras Galegas.
En concreto, obtiveron libros o IES da Pobra do Caramiñal, CEP Salustiano Rey Eiras e Pilar Maestú Sierra, EEI Fernández Varela e Monte Carmelo, ademais das unitarias do Vilariño, A Granxa e A Angustia.
A concelleira da Cultura, Patricia Lojo, e a técnica municipal desta área, Fita Sanisidro, explicaron que “entre as obras entregadas figuran Cousas, de Castelao; Made in Galiza, de Séchu Sende; Dezanove badaladas, de Anxo A. Rei Ballesteros; Relatos e lembranzas, de Xosé Plácido Betanzos García; O fillo do rei e outros contos populares, de Maruxa Barrio e Henrique Harguindey; O enigma do baúl pechado, de Xosé A. Neira Cruz (Premio Carlos Mosteiro 2019); e As Letras Galegas en Caricatura (1963-2020), de Héitor Picallo.
