Os Centros Sociais de Cabo de Cruz eEscarabote acollerán durante este mes de maio unha serie de contacontos e obradoiros creativos para os máis cativos. As actividades vanse celebrar todos os xoves pola tarde, ás 17.00 horas en Cabo de Cruz e ás 17.30 horas en Escarabote. As prazas son limitadas e as inscricións poden facerse na Biblioteca do Centro Social de Escarabote e máis no Centro Social de Cabo de Cruz.
O programa está especialmente indicado para nenas e nenos entre os 4 e os 7 anos e consisten en sesións de contacontos infantís e manualidades sobre as lecturas. O Concello de Boiro, a través das concellerías de Cultura e Educación, aposta polo fomento da lectura entre os máis cativos para potenciar o hábito lector dende a nenez.
