O Concello de Boiro celebrou este 18 de maio unha nova Comisión de Seguimento da Evolución da COVID-19. Na sesión reflectiuse que segundo os datos da Consellería de Sanidade, o número de novos contaxios está en aumento no municipio.
Desta forma, o Concello de Boiro fai un chamamento á responsabilidade e ao cumprimento de todas as medidas de seguridade para evitar que se siga propagando o virus.
Na xuntanza lembrouse o o departamento de Servizos Sociais continúa coa coordinación das persoas con positivo en COVID-19, axudando na recollida de lixo ou na entrega de alimentos e outros bens de primeira necesidade.
Con todo, a Policía Local tramitou na última semana un total de 4 denuncias por incumprir as restricións. 3 delas foron por non respectar a limitación de grupos máximos de persoas e 1 polo uso indebido da máscara.
