A viabilidade dun rallie Ribeira-Ría de Arousa, a estudio

A casa do concello ribeirense deu cabida a unha reunión con representantes da Federación Galega de
Automobilismo coa fin de explorar a posibilidade de celebrar un Rallye de Ribeira – Ría de Arousa.
O encontro contou coa participación do alcalde Manuel Ruiz, a concelleira de Deportes Juana Brión, a presidenta da Federación Galega de Automobilismo, Gloria de Burgos, e máis co piloto local Domingo Molinos, vecipresidente da Escudería Ribeira-Ría de Arousa.
No transcurso da xuntanza comentouse que unha proba destas características sole congregar un alto número de afeccionados, o que derivaría en importantes beneficios para o tecido comercial e turístico do municipio, especialmente se cadra en tempada baixa. Neste senso, as datas que se barrallan serían os 12, 13 e 14 de
novembro de 2021, se ben a súa celebración vai depender, entre outras cuestións, de que haxa dispoñibilidade orzamentaria, ademais da situación epidemiolóxica.
Os comparecentes quedaron de seguir conversando sobre esta iniciativa.