A hostalería de Porto do Son poderá formarse en inglés durante o mes de xuño

Este mes de xuño o Concello de Porto do Son vai organizar unha actividade formativa para mellorar os recursos do sector hostaleiro de cara á súa recuperación post-COVID. Trátase do curso Inglés para Hostalaría, de dez horas de duración.

Será unha acción de balde a desenvolver entre o 7 e o 11 de xuño na Casa da Cultura de Porto do Son, en horario de 11.00 a 13.00 horas.

As persoas interesadas en inscribirse, deberán facelo enviando un correo electrónico á conta jose.pazo@portodoson.gal.