A Asociación de Empresarios de Ribeira convocou a unha xuntanza de traballo aos empresarios subscritos á reserva de superficie industrial do novo polígono para a súa actividade. A reunión celebrarase o vindeiro 19 de maio ás 18.00 no local da patronal ribeirense na rúa Rosalía de Castro.
O obxectivo é presentar o plano da distribución das parcelas e consensuar as posíbeis localizacións das empresas en funcións dos sectores aos que pertencen (servizos, produción, comercial, pesca, transportes….) co fin de “conseguir as maiores sinerxías e beneficios para todos e todas”, informou o presidente da asociación, Francisco Martínez Gude.
