11.000 m2 da factoría afectados polo lume en JEALSA. Video AXEGA

09 Maio 2021

Tras unha noite de traballo debido aos focos que aínda quedaban activos continúan as tarefas de control.

Unidades de Bombeiros e Protección Civil da comarca e da ría nos labores de extinción do incendio de Jealsa. Cedida

Os servizos de extinción continúan na mañá deste domingo cos labores de arrefriado do perímetro das instalacións da conserveira Jealsa, en Boiro , afectada por un incendio que leva calcinados 11.000 metros cadrados de superficie.

Segundo información do 112 Galicia, as tarefas de apagado deste lume industrial, declarados ao redor das 14,30 horas do sábado, prolongáronse durante a madrugada do domingo debido aos focos que aínda quedaban activos.

Por parte da Axencia Galega de Emerxencias ( Axega), desprazouse ata o lugar o Grupo de Apoio Loxístico ( GALI) para actuar sobre o terreo con drons cos que avaliaron os danos provocados polas chamas, unha vez o incendio quedou controlado ao redor das 20,30 horas da tarde tal como informamos en O Barbanza.

Video da factoría Jealsa. AXEGA

Ademais, mobilizouse ata o punto unha bomba de achique de gran caudal, un camión ama de cría para fornecer auga aos servizos de extinción e un vehículo remolque cun dispositivo de iluminación para facilitar a visibilidade durante a noite.

De acordo coas últimas informacións do 112 Galicia, o incendio calcinou uns 11.000 metros cadrados da fábrica de conservas, o que inclúe a zona de conxelados –onde se orixinou o lume–, a de cocción e a de procesado.

Mentres duraron as tarefas de extinción, 25 vivendas da contorna tiveron que ser desaloxadas e 60 persoas foron evacuadas debido ao fume por precaución. Unha vez recuperadas as condicións de seguridade, ao redor das 21,00 horas todos eles puideron regresar ás súas casas en bo estado de saúde.

Este gran incendio da planta de Jealsa situada na zona de Bodión obrigou a activar o nivel 1 do Plan Territorial de Emerxencias de Galicia ( Platerga) e a mobilizar durante toda a xornada do sábado un amplo operativo por terra, mar e aire.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

I Concurso Infantil de Debuxo ApiBarbanza – 2024

A delegación de AGA, asociación Galega de Apicultores, no seu Delegacion do BARBANZA SALNES convoca I Concurso Infantil de Debuxo Apícola co fin de involucrar e concienciar aos nenos sobre o valor da abella como axente polinizador e na conservación do medio...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...