O Laboratorio Ecosocial do Barbanza é un proxecto coordinado pola Fundación RIA que conta co apoio do grupo HISTAGRA da USC e a Cátedra Juana de Vega, e está cofinanciado pola Fundación Banco Santander
O equipo do proxecto Laboratorio Ecosocial do Barbanza presenta os resultados da primeira fase de investigación, así como unha serie de principios para iniciativas sostibles que servirán como base da convocatoria de proxectos da segunda fase.
No evento tamén terá lugar a presentación do libro ‘Cando eramos sostibles. Aprendendo no Barbanza as claves do futuro’, que recolle as conclusións do primeiro ano de investigación do Laboratorio Ecosocial do Barbanza e centra a súa mirada na península do Barbanza para poñer en valor as formas de manexo do territorio levadas a cabo historicamente polas comunidades locais e impulsar iniciativas na rexión que se rexan polos mesmos principios de sustentabilidade.
A publicación será gratuíta e a súa descarga poderá realizarse a partir do venres 9 de abril en barbanzaecosocial.org, a páxina web do Laboratorio Ecosocial do Barbanza.
O aforo para asistir ao acto está limitado por mor das restriccións da COVID-19, polo que haberá que enviar confirmación de asistencia a info@barbanzaecosocial.org. Tamén é posible asistir de forma telemática a través da seguinte ligazón.
