O Concello de Dodro retoma os obradoiros de escolaridade

O Concello de Dodro retoma os seus talleres de escolaridade, destinados a botar unha man á rapazada nos seus estudos con vistas á recta final do curso e co obxectivo, tamén, de achegar opcións de conciliación para as familias. Isto encádrase no eixo do programa de Conciliación Municipal.

O obxectivo desta iniciativa é realizar clases de apoio e reforzo. Os talleres están dirixidos a nenas e nenos empadroados en Dodro, que cursen estudos de educación primaria. As clases impartiranse os meses de maio e xuño na Casa da Cultura da localidade.

As persoas interesadas deberán formalizar as súas inscricións chamando ao 981802466 ou na oficina presencialmente, en horario de 9:00 a 14:00 horas.