O BNG de Ribeira trasladará ao pleno do Concello de Ribeira as demandas da veciñanza das Carolinas e Deán, co fin de “mellorar a seguridade viaria, internet e limpeza nas zonas”, sinalaron.
Así, por un lado os nacionalistas propoñen a instalación dunha beirarrúa na rúa Sidreiras que garanta a seguranza viaria dos peóns. Segundo o BNG, esta demanda vén desde o 2017 e afirman que “esta reivindicación foi trasladada por parte da veciñanza en múltiples ocasións e desde entón o goberno local nada fixo”. Ademais, a agrupación reclama un pavimentado previo da zona ante o deterioro do firme actual.
Por outra parte, o BNG tamén tomou nota doutra das demandas dos veciños ribeirenses. Así, reiteran a necesidade de “solicitar ás compañías a mellora da conexión nestas zonas rurais para garantir un servizo igual independentemente de onde se viva”. O conselleiro Pérez Barral tamén ficou a atención nas carencias de limpeza nas rúas e cunetas na Carolinas e Deán, e pide “a instalación de papeleiras en zonas como o paseo de Coroso ou na avenida da Coruña”.
