No Son un operario resulta ferido de consideración ao caer dun andamio

Un operario sufriu feridas de consideración despois de caer dun andamio que empregaba para arranxar un portal en Porto do Son.

O 112 Galicia tivo coñecemento dos feitos ás cinco e cuarto, a través de Urxencias Sanitarias de Galicia-061, que mobilizou un helicóptero medicalizado para atender ao traballador ferido.

Ademais, desde o Centro Integrado de Atención ás Emerxencias (CIAE) 112 Galicia solicitouse a intervención dos axentes da Garda Civil e da Policía Local e dos membros da Agrupación de Voluntarios de Protección Civil de Porto do Son.

Segundo a información recollida no 112 Galicia, o suceso produciuse nas proximidades da Praia de Coira, en Portosín.