En A Pobra realizouse un cribado poboacional entre os días 5 a 7 de abril a 5.100 persoas con idades comprendidas entre 25 a 65 anos cunha participación do 73,13% e cun resultado total de 8 positivos. En canto á vacinación para este sábado están chamadas á Hospital do Barbanza, 235 persoas de idade entre 60 e 65 anos.
Onte acudiron máis do 90 % das persoas citadas no Hospital do Barbanza. Este domingo están convocados 600 persoas de 60 a 65 anos.
En canto a Galicia o 88,51% das persoas entre 75 e 79 anos que foron citadas este venres polo Servizo Galego de Saúde (Sergas) acudiu a vacinarse, segundo cifras feitas públicas este sábado pola Consellería de Sanidade.
En concreto, asistiron 29.145 galegos do total de 32.930 que estaban chamados para recibir as doses de Pfizer- BioNTech nos recintos de vacinación masiva en toda a Comunidade galega.
O Sergas prevé vacinar a máis de 52.000 persoas ao longo desta fin de semana nas sete áreas sanitarias. A previsión é administrar unhas 27.000 doses de Pfizer para maiores de 80 anos e para o colectivo 79-75 (cuxa vacinación se iniciou este xoves), máis outras 25.000 de AstraZeneca para o colectivo de maiores de 60.