Evacuado a un hospital da Coruña un home tras precipitarse dun tellado en Boiro

O helicóptero medicalizado con base en Santiago de Compostela evacuou ata un hospital da Coruña a un home ferido tras precipitarse dun tellado na localidade coruñesa de Boiro.

Segundo informou o 112 Galicia, sobre as 11,30 horas deste xoves no lugar de Pazos, no concello de Boiro, un home sufriu unha caída desde un tellado.

Para dar apoio á aeronave, o 112 Galicia avisou a axentes da Garda Civil e da Policía Local, así como aos membros de Protección Civil da localidade.

Ademais, do helicóptero medicalizado, o 061 tamén mobilizou unha ambulancia de soporte vital básico e un equipo sanitario de Atención Primaria de Boiro, pero finalmente foi a aeronave a que levou ao ferido de 59 anos, ao Hospital A Coruña.

foto@Jodon78