O Concello de Dodro segue adiante cos traballos para poñer en valor e acondicionar o seu importante patrimonio, non só o que figura con máis frecuencia nas publicacións histórico-artísticas de meirande referencia, senón tamén o máis relacionado coa cultura popular.
Así, segundo informou o Goberno local, os traballadores do programa PEL impulsado pola Deputación da Coruña e máis o Concello procederon os días pasados a limpar o lavadoiro da aldea de arriba de Lestrobe e a súa contorna.