O Concello de Ribeira vén de informar o inicio das obras relacionadas coa pavimentación e instalación de pluviais en tres camiños situados na zona coñecida como A Atalaia, no entorno do cemiterio desta parroquia.
As obras incluirán a pavimentación con aglomerado asfáltico en quente dos tres camiños en cuestión e da dotación dunha nova rede de pluviais polo centro da calzada de cada camiño. As obras están sendo executadas pola empresa Nemesio Ordóñez, S.A. e comportan un investimento de 107.025 euros cun prazo de execución de tres meses nun principio.
