En Boiro, 42 mulleres melloran a súa empregabilidade da man do Concello

En Boiro 42 mulleres demandas de emprego están a formarse profesionalmente para acceder nas mellores condicións ao mercado laboral. Esta acción formativa, que se desenvolve no Centro de Formación e Viveiro de Empresas de Espiñeira, vén da man da Concello, a través do Programa Integrado de Emprego financiado pola Consellería de Emprego e Igualdade da Xunta de Galicia e o Servizo Público de Emprego Estatal. Estes días as participantes remataron un módulo orientado a mellorar as capacidades para a busca de emprego das persoas participantes.

A través de varios cursos online, as persoas inscritas no PIE 2020-2021 do Concello de Boiro profundaron na elaboración dun currículo e dunha carta de presentación, en como afrontar unha entrevista de traballo, nas principais habilidades comunicativas, en motivación e autoestima e tamén en técnicas de adestramento (coaching) para o emprego.

Levouse a cabo tamén formación específica en materia de emprendemento para aquelas persoas que teñan unha idea de negocio ou non descarten o emprego por conta propia.

Nas vindeiras semanas van recibir tamén formación orientada á industria alimentaria de produción e envasado co claro obxectivo de fomentar a creación de emprego na comarca do Barbanza. Neste eido estase a realizar tamén intermediación coas empresas para dar a coñecer o devandito Programa boirense e dotalas de candidatas formadas para os postos máis demandados.

O Programa Integrado de Emprego 2020-2021 do Concello de Boiro combina a formación online coa presencial para fomentar a condición familiar e laboral das participantes e está financiado pola Consellería de Emprego e Igualdade da Xunta de Galicia e o Servizo Público de Emprego Estatal.