Galicia continuará durante o domingo nunha situación de inestabilidade atmosférica por aire frío en capas altas. Con esta situación, agárdanse ceos con alternancia de nubes e claros e chuvascos, localmente treboentos, máis probables pola tarde. As temperaturas non experimentarán cambios significativos, con lixeiros descensos das máximas no extremo norte. Os ventos soprarán frouxos, de dirección variable, virando progresivamente ó nordés na costa norte.
A maior parte de Galicia entrará en alerta amarela este domingo por tormentas ocasionalmente fortes que se espera que teñan lugar a partir das 15,00 horas.
Segundo detalla Meteogalicia, a inestabilidade continuará sendo predominante este domingo, polo que as tormentas poden alcanzar puntualmente unha forte intensidade.
As zonas afectadas serán a provincia da Coruña e o interior e a zona do Miño en de a de Pontevedra. Tamén se esperan tormentas na provincia de Lugo, en concreto, na Mariña, o centro e a montaña, así como na montaña de Ourense.
A alerta amarela activarase en todas estas zonas por tormentas ocasionalmente fortes a partir das 15,00 horas e permanecerá vixente ata as 21,00 horas.
O inicio desta fin de semana estivo marcado este sábado pola presenza da borrasca ‘Lola’ no Atlántico, o que deu lugar a chuvascos . Así, producíronse riadas na Coruña e activouse a alerta amarela na provincia homónima entre as 15,00 e as 21,00 horas do sábado.
O NOSO MAR: Vento variable á mañá, do oeste á tarde e do nordés á noite, forza 1 a 2 á mañá e á noite e 1 a 3 á tarde. Mar rizado. Visibilidade regular á mañá e á tarde e boa á noite. Mar de fondo do oeste, con ondas de 2 a 3 metros á mañá e 1 a 2 metros á tarde e á noite.
Mareas
| Muros | ||
|---|---|---|
| Hora* | Altura | |
| Preamar | 03:23 | 3.7 m |
| Baixamar | 09:39 | 0.5 m |
| Preamar | 15:50 | 3.7 m |
| Baixamar | 21:53 | 0.5 m |
| Vigo | ||
|---|---|---|
| Hora* | Altura | |
| Preamar | 03:14 | 3.6 m |
| Baixamar | 09:29 | 0.6 m |
| Preamar | 15:41 | 3.6 m |
| Baixamar | 21:44 | 0.6 m |
| Vilagarcía | ||
|---|---|---|
| Hora* | Altura | |
| Preamar | 03:19 | 3.7 m |
| Baixamar | 09:35 | 0.5 m |
| Preamar | 15:46 | 3.7 m |
| Baixamar | 21:49 | 0.5 m |
Cámaras web da comarca (algunha pode nun funcionar puntualmente)
