Este venres 23 vaise representar en Boiro o espectáculo teatral Ás para Álex, de Baobab Teatro. Será no salón de actos da Casa da Cultura, a partir das 20.00 horas. Trátase dunha obra moi acaída para público infantil e familiar, que narra a historia de Álex, un neno de oito anos ao que lle encanta correr, xogar e combinar coas amizades, amais de ir ao parque e xogar ao fútbol, até que un día o seu corpo deixa de responderlle e descobre que non pode realizar todas as actividades que lle gustan.
A obra, dirixida, por Andrea Bayer e Óscar Herrera, é un achegamento a algúns dos principais problemas cos que se topan as nenas e nenos dende idades temperás, tentando achegarlles unhas cantas claves e unhas cantas respostas para o caso de que vexan na circunstancia de ter que superar obstáculos de desenvolvemento, comunicación, autoafirmación ou autocoñecemento.
A capacidade é limitada. A reserva de entradas pode facerse no propio día do espectáculo a partir das 17.30 horas. O número máximo de entradas que se pode reservar por persoa é de cinco.
