A Xunta prevé aumentar o ritmo de vacinación este abril tras fornecer 61.000 dose nos cinco primeiros días do mes. Para iso, o presidente Alberto Núñez Feijóo, anunciou unha vacinación para o colectivo de entre 56 e 65 anos antes de que comece maio, grupo de idade para o que vén de autorizar os viais de Astrazeneca. A decisión tomouse porque, segundo remarcou, o presente período é clave para a «inmunización» da comunidade.
O presidente da Xunta explicou que ademais de completar a vacinación dese colectivo prioritario, o obxectivo é tamén iniciar «as primeiras doses» das persoas comprendidas entre 79 e 75 anos e realizar unha vacinación masiva no mes de abril para o grupo de entre 56 e 65 anos, como xa se ensaiou a fin de semana do 13 de marzo para o colectivo de entre 55 e 50 anos con Astrazeneca.
