O subcomité clínico de expertos reunido este venres decidiu abrir o peche perimetral das áreas sanitarias da Coruña e Pontevedra, as dúas que permanecían pechadas en Galicia, co que os seus municipios quedan limitados en mobilidade unicamente en función da súa incidencia. A medida entrará en vigor ás 00,00 horas do luns.
Así o explicou o conselleiro de Sanidade, Julio García Comesaña, durante a roda posterior á reunión, na que destacou que a incidencia continúa á baixa na comunidade e informou das normas de mobilidade que rexerán desde o luns.
Ase mesmo a partir do luns Porto do Son pasa a nivel medio recuperando a mobilidade cos concellos da comarca. Dodro, Rois e Padrón xa están tamén en mobilidade desde este venres.
