O grupo 2na Fronteira actuará este sábado en Rianxo

O grupo 2na Fronteira actuará este sábado, 6 de marzo, ás 20.00 horas na Sala Arcos Moldes do Auditorio de Rianxo. A actividade encádrase no panorama dos Actos Castelao 2021 e o programa da Rede Cultural da Deputación da Coruña.

O concerto é tamén unha exposición, xa que fala sobre a revista Nós e complétase cunha guía divulgativa e didáctica. Os interpretes son Carmen Penim ao piano, Maurizio Polsinelli ao harmonio e Miguel Paz na batería e percusión.

A entrada é de balde, pero aqueles que queiran acudir, deberán reservala a través do correo electrónico auditorio@concelloderianxo.gal dende o 26 de febreiro ao 5 de marzo. Cómpre indicar o nome completo de cada persoa, o teléfono e se son conviventes.