Incremento no prezo do gasóleo pesca

Antón Luaces.-Por se no fosen abondo os baixos prezos que rexistran as vendas de peixe en lonxa e o mantemento, cando non incremento, das consideradas altas taxas portuarias por amarre ou atraque de barcos, após caer por baixo dos 30 céntimos de euro por litro en marzo de 2020, o prezo do gasóleo de pesca subiu ata os 46 céntimos a mediados deste mes de marzo.

Que se disparen deste xeito os prezos do gasóleo é unha nova moi negativa para o sector pesqueiro. Especialmente para o arrastre, cuxos barcos son os de maior consumo. Os prezos de venda das capturas deixaron moi malos resultados económicos en 2020, malia esa certa moderación que permitiu o relativamente  baixo prezo do combustible: 34 céntimos en 2020, co mínimo por baixo dos 30 céntimos en marzo, cando moitas frotas estaban paradas. Prezos que se mantiveron ata novembro. Desde aquela, a curva foi subindo e poucas son as esperanzas de que free na escalada. O retorno do crecemento económico en Asia e Estados Unidos afecta a todas as materias primas, agás ao prezo do peixe en lonxa.
A Comisión Nacional do Mercado de Valores (CNMV) sinala a tendenza dos prezos dos carburantes dende marzo do ano pasado. Nesta ocasión o da economía sube un 0,85% a respecto da semana anterior, mentres que o do gasóleo aumenta ata un 0,68%, polo que os prezos volven ser os de marzo de 2020, é dicir, os prezos de antes da pandemia.