Segundo datos do Ministerio de Sanidade Galicia é a comunidade co maior número de ingresos en UCI por Covid-19 entre o 21 e o 28 de febreiro. O país rexistrou un total de 27 ingresos en UCI polo coronavirus na última semana, situándose a primeira seguida de Andalucía (19) e Asturias (17).
Eses ingresos en UCI supoñen un descenso do 37% respecto a os 43 da anterior semana. En total desde o comezo da pandemia, 1.601 persoas con coronavirus pasaron polas UCI galegas. Os casos de Covid que necesitaron hospitalización no últimos sete días en Galicia foron 197 (incluíndo os ingresos en UCI),
Actualmente en Galicia hai 113 persoas en UCI con Covid, cunha ocupación do 14,3%. Esta taxa é seis puntos menor a unha semana antes. A ocupación media en España é o dobre (28%). O número total de pacientes Covid hospitalizados na comunidade galega é 477 pacientes, o cal representa un 5,66% de ocupación, por baixo da media española que se sitúa nun 9,36%.
Por outra banda falecen 14 persoas que foran diagnosticadas con coronavirus en catro días. Con estas novas vítimas o número de mortos ascenden a 2.252 .
Día 26
Muller de 89 anos na residencia La Milagrosa da Coruña.
Día 27
Muller de 90 anos no CHUF
Muller de 95 anos no CHUF
Home de 95 anos na residencia La Milagrosa da Coruña.
Muller de 86 anos no CHUAC
Día 28
Muller de 90 anos no CHUVI
Muller de 83 anos no CHUS
Home de 86 anos no HULA.
Home de 89 anos no CHUF
Muller de 81 anos na residencia CEGADI.
Muller de 83 anos no CHUO
Home de 82 anos no Hospital Virxe da Xunqueira
Home de 71 anos no CHOP
Día 1
Home de 67 anos no Hospital Quirón Salud da Coruña.
Todos eles con patoloxías previas
