O Concello de Boiro puxo en marcha os traballos de mellora e mantemento dos parques infantís do municipio. Os operarios municipais están levando a cabo as tarefas de revisión das distintas pezas que compoñen os espazos de lecer co fin de atopar os arranxos necesarios para a posta a punto dos mesmos.
Os máis de 50 parques infantís que se atopan no municipio están a levar un control do mobiliario para coordinar as tarefas de mantemento e acondicionamento de todos eles. Unha vez se remate a revisión de todos os espazos de lecer poranse en marchas as obras necesarias, engadiu o Concello.
Os operarios municipais estanse a encargar tamén do reacondicionamento do entorno destas zonas, con tarefas de roce, limpeza xeral dos recintos, así como as desinfeccións puntuais co fin de garantir a seguridade fronte á COVID-19.
