Barbanza Arousa lanza un videomapping para coñecer A Orixe do Camiño de Santiago

A Mancomunidade Barbanza Arousa continúa súa aposta polo Camiño de Santiago A Orixe, a través dun videomapping por cada etapa desde Corrubedo a Santiago de Compostela.
A organización continúa así promovendo o Camiño de Santiago a través de diferentes ferramentas tecnolóxicas para dalo a coñecer nun mundo cada vez máis dixitalizado. O mapa mostra algúns dos paisaxes que se poden desfrutar ao largo deste recorrido, que marca a orixe da tradición Xacobea. Deste xeito a ferramenta, que transmite o camiño dunha forma particular, con vídeos curtos e concretos por cada etapa, tamén disporá de elementos de interese para os peregrinos como son as áreas de descanso ou as fontes de auga potable.
O videomapping pódese atopar na plataforma Youtube e nas redes sociais da Mancomunidade e, proximamente na súa páxina web. Ademais, co fin de facilitar o coñecemento do recorrido ao maior número de persoas posibles, o track estará dispoñíbel nas plataformas de rutas con maior número de descargas a nivel nacional, como son Wikiloc e Strava.
Barbanza Arousa segue adaptándose á nova situación causada pola pandemia. Debido ás novas tendencias nos viaxes e o cambio de paradigma, a Mancomunidade pon en valor o Camiño de Santiago do Barbanza A Orixe, e sitúao como unha oferta potencial de alta calidade e competitividade nos próximo anos.