O comité clínico que asesora á Xunta de Galicia reuniuse este martes para decidir as restricións que se aplicarán na comunidade durante os festivos de Semana Santa. Sanidade destaca a boa situación epidemiolóxica de Galicia, que entraría xa nunha fase de meseta e que, polo momento, estaría a esquivar a entrada dunha cuarta onda do virus.
A comunidade afronta os festivos de Semana Santa con só un municipio en nivel máximo de restrición trátase do municipio ourensán de Beade.
En nivel alto de restricións atópase Abegondo, Baiona, Cortegada, O Irixo, Ortiguera, Padrenda, Pazos de Borbén, A Pobra de Brollón, Rábade, Sanxenxo e O Saviñao. Nestes municipios, a hostalería está aberta ata as 21.00 horas, pero só poderá abrir en terraza cunha capacidade do 50%.
En nivel medio sitúase Vilardevós, Celanova, O Carballiño, Ribadavia, Xinzo, Cangas, Moaña, Gondomar, Meis, Bergondo, Boimorto, Carral, A Coruña, Laracha, Arteixo, Betanzos e Camariñas. Neste caso, a hostalería terá unha capacidade do 50% en terrazas e do 30% e interiores. Bátelos estarán abertos ata as 21.00 horas e poderase reunir un máximo de seis persoas en exteriores e de catro no interior dos locais.
Os cambios nos niveis dos concellos que decidiu este martes a Xunta a proposta do comité clínico entrarán en vigor este venres ás 00.00 horas.
