A Xunta decidiu estender unha semana máis a moratoria para facer obrigatorio que os hostaleiros exhiban nos seus locais os carteis con límite de capacidade e os códigos QR para o rastrexo de posibles contagios.
A medida, incluída no Plan de hostalería segura para a reapertura destes establecementos debía entrar en vigor na medianoite deste xoves ao venres. Con todo, dados os problemas de descarga rexistrados pola plataforma e tendo en conta o seu grao de obtención, aprazouse a súa entrada en vigor ata as 00.00 horas do próximo 12 de marzo.
Con todo, a Xunta lembrou que as demais medidas decretadas para a reapertura segura da hostalería son de obrigado cumprimento desde que entraron en vigor, o pasado 26 de febreiro. Así, deberá respectarse o límite de capacidade permitida, sobre todo nas terrazas, nas que non poderá superar o 50% do total, ademais dos horarios de apertura e peche, a distancia de seguridade ou o uso de máscara.
A Xunta recoñeceu nun comunicado que “as visitas masivas á páxina web para a descarga das ferramentas, para a obtención do código QR ou para facer consultas, provocaron nas últimas horas algúns problemas técnicos que xa están resoltos”.
