Os barcos participantes na segunda Regata Ría de Arousa, organizada polo Club Náutico Arousa Norte (A Pobra), tomarán saída o vindeiro sábado ás 14:00 horas nas inmediacións do porto da Pobra do Caramiñal. Un total de entre 8 e 15 millas será o recorrido que realizarán os competidores polo interior da Ría de Arousa.
A competición dividirase en tres clases en función do rating establecido polo comité de regatas. A Clase “ORC – A Casa da Tía Elisa” estará formada polos barcos máis rápidos, na cal participará a embarcación Chispetrén, do club rianxeiro Alpha.
As embarcacións acostumadas a loitar polos primeiros postos encadraranse na segunda clase, denominada “ORC – Pazo de Rubianes”. Camping Ría de Arosa, Fixius, Sampaio ou A Pillara comporán esta categoría.
A clase “ORC – A Poutada” acollerá a un dos barcos máis competitivos na súa categoría, o Piko Norte de José Manuel Castro.
Esta 2ª Regata Ría de Arousa servirá para ver se Chispetrén, Camping Ría de Arosa e Piko Norte quen de revalidar o título da edición pasada, ou polo contrario algunha das demais embarcacións son capaces de sorprender aso actuais campións.
