En Rianxo o empresariado local colle impulso estes días con vistas á celebración do Día do Pai, o 19 de marzo. Faino a través de dúas vertentes que se complementan: por unha banda a través do servizo da plataforma de comercio electrónico Mercarianxo impulsada pola ARE, onde os establecementos puxeron en marcha unha campaña para promover estes días produtos e servizos locais e reivindicar, tamén, a inmediatez, a accesibilidade, a comodidade e a seguridade da plataforma.
Amais, para fortalecer esta vía, a Asociación Rianxeira de Empresarios (ARE) activou unha iniciativa de promoción coa que se pretende, a maiores, recompensar a fidelidade da cidadanía que aposte polos comercios de proximidade. Deste xeito, a través da campaña do Día do Pai da ARE farase o sorteo dun vale de compra de 100 euros para gastar nos comercios asociados. Para participar teremos que facer o seguinte:
· Mercar un agasallo nos comercios asociados a ARE Rianxo ou en Mercarianxo.
· Subir unha foto a Facebook do regalo coa etiqueta #diadopaiARE.
· Sermos seguidores na dita rede social de Rianxo CCA e ARE Rianxo.
Temos de prazo até o 23 de marzo. Podemos consultar as bases en liña.
