As autoridades sanitairas comunicaron a morte doutros once pacientes diagnosticados con covid-19, co que son xa 2.238 os falecidos pola pandemia en Galicia.
Das mortes comunicadas dous foron o 26 de febreiro e as nove restantes, o sábado 27. Todas as vítimas tiñan patoloxías previas e ningunha estaba vinculada a residencias.
As persoas falecidas o venres 26 foron un home de 58 anos que se atopaba hospitalizado no CHUVI e outro home de 94 anos de idade que estaba ingresado no CHUO.
Á xornada do sábado corresponden os nove óbitos restantes. Catro deles producíronse no CHUAC (dous homes de 59 e 74 anos e dúas mulleres de 85 e 81) e dúas no CHUVI (dúas mulleres de 94 e 82 anos, respectivamente).
Ademais, unha muller 81 anos morreu mentres se atopaba ingresada no Hospital Santa Teresa de Ourense, un home de 79 anos faleceu no CHUO e outro home de 89 anos perdeu a vida no CHUS.
