O Concello de Rianxo asinou onte, martes 23 de febreiro, un convenio de cooperación coa Escola Superior de Conservación e Restauración de Bens Culturais de Galicia para promover a conservación do patrimonio cultural da localidade rianxeira.
O alcalde de Rianxo, Adolfo Muiño, e o xefe de estudos do centro, Álvaro Arizaga, celebraron unha reunión nas dependencias do Concello, onde asinaron o acordo. Este convenio pretende analizar infraestruturas como o cruceiro de San Xoán de Ermida, na parroquia de Araño.
Os fragmentos dos monumentos escollidos serán estudados e tratados nos laboratorios da Escola polos estudantes de conservación e restauración, sempre que houberan recibido unha previa autorización por parte da DXPC.
