A relaxación das medidas fronte á COVID–19 decretadas pola Conselleira de Sanidade permitiu que o Concello de Boiro poida retomar esta semana a programación cultural da Casa da Cultura Ramón Martínez López.
Dende o mes de decembro as actividades culturais estiveron paralizadas, xa que o municipio estaba en risco extremo. Tras reducirse o nivel de incidencia e de baixar os casos, a Concellería de Cultura decidiu continuar coa programación cultural. Así, as actividades comezarán este venres, 26 de febreiro.
A capacidade do auditorio da Casa da Cultura estará limitada a 50 persoas como máximo para as actuacións, aínda que isto dependerá de como vaian as restricións. Aqueles que queiran acudir, deberán reservar a entrada para asistir aos espectáculos, que se poderá conseguir o propio dia da función a partir das 16.30 horas da tarde. O horario das actuacións irase definindo en función do tipo de publico ao que esta destinado e das restricións.
Este venres representarase a obra Ris Ras de Baobab Teatro, unha función para público infantil e familiar. O espectáculo será ás 19.00 horas e as entradas poderán conseguirse ese mesmo dia na Casa da Cultura, a partir das 16.30 horas.
