O concelleiro de deportes, Xusto Xosé Ordoñez, reuniuse este xoves cos responsábeis do Club de Triatlón de Rianxo e a Federación Galega de Triatlón para estudar a posibilidade de realizar o Campionato Galego de Triatlón Cross en Rianxo.
A proposta que se baralla é mudar a modalidade sprint á modalidade cross, co fin de atraer a máis deportistas, aproveitando os recursos naturais da localidade. Así, a escola deportiva de Triatlón de Rianxo, que contará co apoio do Concello, presentará esta solución cando a situación sanitaria o permita.
