A asociación cultural Altofalante vai celebrar o Día de Rosalía mediante a publicaciónde diversos poemas a través das súas redes sociais para divulgar a súa figura e a súa obra coa finalidade de dar a coñecer unha autora feminista e reivindicativa.
O presidente da asociación, Óscar Sobrido, anima a espallar os seus textos no aniversario do seu nacemento pois, segundo declarou “seguen mantendo plena vixencia”. Sobrido defendeu que Rosalía “foi unha precursora na defensa da lingua propia de Galiza e tivo desde sempre un compromiso coa defensa das clases populares fronte as inxustizas que padecían.
Desde Altofalante contaron coa colaboración da artista Sara Maneiro, veciña da parrooquia Artes, que fixo unha ilustración para colaborar na conmemoración deste día.
