A Marea Cidadá de Noia, logo de negociar co resto de grupos, anuncia a progresiva modificación do modelo de xestión do polémico Aparcadoiro, que terá a maioría das súas prazas abertas para uso público.
A Marea Cidadá de Noia leva anos demandando a modificación do modelo de xestión do Aparcadoiro da Rúa Xuíz Falcone. Construído con cartos públicos, o goberno de Santiago Freire estableceu o aluguer como modelo de xestión, excluíndo á maioría da veciñanza e rexistrindo enormemente o seu uso.
O modelo de xestión do aluguer era ademáis enormemente ineficaz e ineficiente, alén de supoñer a privatización dunha estructura pagada polo conxunto da veciñanza. A maior parte de prazas atopábanse sempre libres, non podendo ser usadas por aquelas persoas que se achegaban a Noia a facer as súas compras ou consumir no noso Concello.
A Marea Cidadá de Noia enfrontou este modelo de xestión durante anos, realizando recollidas de firmas e mesmo levando esta situación a Pleno en reiteradas ocasións, sendo a última o pasado mes de xaneiro. Hoxe, a formación anunciou un acordo para a progresiva modificación do modelo de xestión.
A Marea Cidadá explicou que a transición se realizará en dúas fases. Nunha primeira, a metade das prazas da planta -1 pasarán a ser de uso aberto con limitación temporal. Na segunda, a medida que vaian caducando as concesións de aluguer, a maior parte das prazas serán abertas con limitación temporal, para evitar o estacionamento durante períodos de tempo prolongado. Así mesmo, manteranse en réxime de aluguer as mínimas imprescindibles para as persoas que residen no Casco histórico.
A Marea ven de afirmar que se trata dunha vitoria da veciñanza de Noia no seu conxunto, e amosan ledicia polo que consideran o “retorno” do Aparcadoiro a veciñanza de Noia.
