A Asociación de Empresarios e o Concello de Ribeira acordaron unha nova iniciativa en apoio á hostalería local para dar continuidade á campaña #lévamecontigo emprendida neste Nadal na que se repartiron 2.000 envases de comida.
Nesta ocasión serán 10.000 vasos de café os que se repartan entre calquera dos 103 locais hostaleiras de todo o municipio que puideran estar interesados coa fin de contrarrestar os efectos económicos da COVID-19.
Dende a sede da Asociación de Empresarios distribuiranse os recipientes, cunha capacidade para 240 mililitros. As entregas darán inicio a partir do vindeiro mércores 24, repartindo un total de 100 unidades por establecemento. O presidente da Asociación de Empresarios, Francisco Martínez, agradeceu o apoio do Concello, que da man de Manuel Ruíz anunciou que lanzará un novo plan para apoiar á hostalería, cun
“importante desembolso”.
