A Deputación salienta as vantaxes operativas que se abren coa constitución do GES noiés

04 Febreiro 2021

O deputado de Promoción Económica Blas García participou telematicamente, este 4 de febreiro, na constitución do novo GES noiés xunto ao alcalde da localidade, Santiago Freire, o delegado territorial da Xunta, Gonzalo Trenor, o director xeral de Emerxencias e Interior, Santiago Villanueva e a directora xeral de Administración Local, Natalia Prieto. Blas García sinalou que a Deputación valora “positivamente” a creación dunha nova base do Grupo de Emerxencias Supramunicipal (GES) en Noia, que “permitirá eliminar a zona de sombra que existía nos concellos de Noia, Lousame e Porto do Son e mellorar a atención de emerxencias neste territorio”, dixo.

Blas García engadiu que “a posta en marcha desta nova base do GES pon de manifesto que nunca debeu suprimirse o servizo que xa existía na localidade” (en referencia á base do GRUMIR, os antigos GES, que foi eliminada en 2013). Tamén destacou “o traballo conxunto da Xunta e a Deputación no relativo ao eido das emerxencias e apoio ás agrupacións de Protección Civil da provincia”. García sostivo que tanto o Goberno galego como a entidade provincial teñen agora por diante dous retos importantes este ano: “Por unha banda definir o novo convenio dos GES e, pola outra, a posta en marcha do novo parque comarcal de bombeiros que dará servizo á área de Compostela”. Tamén fixo saber que a Deputación financia actualmente con 748.000 euros ao ano o 40% dos gastos das bases existentes na provincia.

Outros artigos

A Marea de Noia require unha inspección da ETAP

O voceiro da Marea de Noia, Manolo Seijas, presentou un escrito ante a inspección de sanidade sobre a auga municipal no que require ao dito departamento unha análise exhaustiva da ETAP (Estación Tratamento de Auga Potábel) para verificar o estado da mesma e do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...