Sachos á Rúa pon en marcha unha plataforma que pon en contacto aos propietarios e aos demandantes de vivendas no rural

15 Xaneiro 2021
Casa rural abandonada en Noia nunha imaxe publicada en Eldiario.es

A Asociación Agro-ecolóxica Sachos á Rúa, radicada no Barbanza e responsábel das feiras ecolóxicas que se celebran regularmente en Ribeira (praza do Rueiro) e Boiro (a carón do Centro Social), vén de pechar fileiras contra unha das grandes problemáticas do noso tempo: o despoboamento do rural e o abandono dos modos de vida propios das nosas aldeas. Por este motivo, e para achegar á xuventude novas oportunidades de emprego e emprendemento, as e os integrantes da asociación deron forma a unha nova plataforma, Agro Novo, cuxa finalidade é “ser a canle de comunicación entre as persoas que precisan unha vivenda para vivir no rural e as propietarias que desexen alugar inmóbeis a prezos accesíbeis”.

A posta en marcha da plataforma responde a unha das principais razóns de ser do devandito colectivo: achegar recursos que melloren a nosa relación co medio ambiente ao tempo que se xeran oportunidades de desenvolvemento social e empresarial sustentábel para todo tipo de colectivos.

Desta volta, poñen o foco especialmente na xente nova: “Até nós chegan, cada vez con máis asiduidade, demandas de persoas, especialmente novas, para establecerse no rural e poder realizar os seus soños traballando no campo dunha maneira sustentábel. Dende o noso colectivo podémoslles ofrecer terreos, formación e outras ferramentas para poder comezar, pero en moitos casos, precisan de atopar unha vivenda próxima á rede da que formamos parte, na zona do Barbanza”, explican, engadindo que este foi o xermolo “dunha idea que consistiu en crear unha plataforma de contacto que establecese unha canle de comunicación entre as persoas que precisan unha vivenda no rural e as persoas propietarias que queiran alugar a un prezo asequíbel as súas propiedades, co compromiso dos primeiros a realizar os precisos traballos de coidados e mantemento da vivenda e do espazo exterior”.

A asociación ponse a disposición de todas aquelas persoas que queiran tirar proveito da iniciativa, e faino a través das seguintes canles: o enderezo electrónico sachosarúa@gmai.com e máis os teléfonos 686 097 190 / 663 56 28 18.

Outros artigos

Ribeira acolle o evento deportivo Nada e Corre este 10 de decembro

O evento deportivo Nada e Corre, que consistirá nunha proba de natación e outra de carreira, terá lugar este domingo 10 de decembro do 2023 a partir das 10:00 no Complexo Deportivo Municipal A Fieiteira. Na proba poderán participar as categorías dende prebenxamín ata...

+

Publicidade

Revista en papel

Opinión

“Ideología, vs, pensamiento creativo”. Manuel Dominguez

“Ideología, vs, pensamiento creativo”. Manuel Dominguez

Cualquier parecido con la realidad es mera coincidencia Yo les sugiero que antes que yo hable, ellos se presenten. Uno me dice que en su juventud llegó a tener el libro rojo de Mao, fue trotskista, castrista, simpatizaba con LCR la Liga, admirador del Che, comunista,...

“O primeiro paso”. Luís Celeiro

“O primeiro paso”. Luís Celeiro

Os cregos din que o do compromiso a longo prazo e para sempre é o valor principal que outorga o casamento pola igrexa. María Mercedes da Orde, casada e divorciada varias veces, di, sen falar, sen levantar a voz, case como se escoitaramos o seu pensamento,“vaiche boa!...