O Concello de Rianxo, a través do departamento de Obras e Servizos Municipais, informou de que foron retomadas estes días, logo da pausa motivada polas vacacións, as obras que van dotar a 28 vivendas de Foxacos, na parroquia do Araño, do servizo da rede de saneamento.
O dito departamento sinala que se porá a disposición dos fogares da contorna unha rede de saneamento e depuración integral. A previsión, logo do subministro dos tres treitos establecidos (un un deles, xa rematado, para conectar coa rede pre-existente e dous tramos máis para acabar en depuradoras que xa se empezan a construír esta semana), é rematar coas obras nun prazo de mes e medio.
