O Lustres Rivas mostrará a selección de obras do XVI Certame Isaac Díaz Pardo

O Centro Cultural Lustres Rivas (Ribeira) vai amosar entre o 21 de xaneiro e o 28 de febreiro a exposición integrada polas obras seleccionadas do Certame de Artes Plásticas Issac Díaz Pardo que promove a Deputación Provincial da Coruña. A mostra estará integrada pola obra gañadora (titulada 7, de Mauro Trastoi Lindín) máis outras dezanove obras de temática variada.

Para escenificar a súa apertura o xoves 21 ás 13 horas desenvolverase un acto pechado ao público, unicamente con presenza de autoridades e medios de comunicación.

A obra estará aberta de luns a venres de 10 a 14 horas e de 19 a 21 horas e os sábados de 11 a 14 horas. O aforo está limitado a catro persoas conforme a normativa anticovid vixente. A máscara é obrigatoria.