O Fondo de Compensación Ambiental repartiu 658.000 euros en 13 proxectos na comarca de Barbanza

O delegado da Xunta da Coruña, Gonzalo Trenor, comunicou onte que o Fondo de Compensación Ambiental repartiu máis de 650.000 euros en 13 proxectos na comarca de Barbanza. Os Concellos favorecidos foron Boiro, Lousame, Muros, Outes, Pobra do Caramiñal, Porto do Son, Ribeira e Rianxo, aínda que tamén se incluíron os municipios de Carnota e Mazaricos.

A convocatoria deste ano contou cun presuposto total de 12,5 millóns de euros. Así, o Goberno Galego financiou actuacións nos concellos que estiveron dirixidas ao incremento e a eficacia no aproveitamento dos recursos enerxéticos renovábeis, á sustentabilidade, á biodiversidade e ó uso recreativo e educativo dos recursos de Galicia.

Trenor sinalou que “estas axudas foron posíbeis grazas a aprobación en 2009 da lei pola que se regulou o aproveitamento eólico en Galicia e creouse o canon eólico e o Fondo de Compensación Ambiental, xa que anteriormente os concellos non percibían nada polos muíños de produción de enerxía eléctrica instalados no seu territorio”.

Como exemplo das actuacións levabas a cabo polo Fondo de Composición Ambiental, pódense mencionar as actividades realizadas no municipio de Mazaricos, no que se inverteron máis de 197.000 euros.