O Comité Clínico da Xunta anunciou hoxe a suspensión das competicións a nivel autonómico e os adestramentos a partir das 00:00 horas do xoves. Soamente estarán permitidos os adestramentos de forma individual ou cun máximo de 4 persoas. Sen embargo, si se manteñen as competicións a nivel estatal.
Os ximnasios tamén terán medidas novas, relacionadas co uso dos vestiarios e a interacción social. Nas localidade onde está paralizada toda actividade non esencial, os ximnasios e os recintos deportivos deben botar o peche. Non se coñece con certeza a data límite destas medidas, pero Feijóo sinalou que “ata mediados de febreiro, como mínimo, estarán en vigor”.
As novas medidas supoñen a paralización de 40 equipos de Preferente e 147 ligas de fútbol base galegas, así como das competicións a nivel base de deportes como o voleibol ou pádel.