Nove novas vítimas soben a 1.454 os mortos por COVID. Dous no CHUS

Outras nove persoas diagnosticadas con coronavirus faleceron en Galicia nas últimas horas, o que eleva o cómputo de vítimas da pandemia na Comunidade galega a 1.454.

En concreto, segundo trasladou a Consellería de Sanidade este domingo trátase de dúas mulleres e sete homes que permanecían ingresados en distintos hospitais da comunidade. Ningún deles estaba vinculado con residencias e todos tiñan patoloxías previas.

No CHUS de Santiago morreron dous homes de 85 e 61 anos.

Dúas mulleres faleceron no Complexo Hospitalario Universitario de Ferrol, onde faleceron dúas mulleres de 88 e 76 anos, respectivamente.

Tamén houbo dúas vítimas mortais no CHUVI de Vigo, outros dous homes, neste caso, de 83 e 67 anos de idade.

Os tres falecidos restantes producíronse no Hospital Comarcal da Mariña (un home de 80 anos), no CHUO de Ourense (home de 72 anos) e no CHOP de Pontevedra (outro home de 74 anos de idade).