O Museo Municipal de Ribeira inaugurou este sábado unha
exposición sobre o naufraxio do Santa Isabel
O Concello de Ribeira lembra o centenario do Santa Isabel coa
exposición “Bravura”, 100 anos do naufraxio do Santa Isabel.
A mostra relata o suceso desde a saída do vapor do País Vasco até o
seu accidente nos baixos da Pegar na Illa de Sálvora, ademais do
seu contexto cun capítulo especial dedicado á emigración, no que se
fai un repaso da emigración en Ribeira nos anos 20 e 30 a través do
singular “libro de emigrantes” deste concello.
Na exposición pódense ver obxectos orixinais do barco como unha
campá ou a luxosa vaixela de prata rescatada do naufraxio. Tamén as
medallas que recibiu o segundo oficial do vapor Luís Cebreiro ou a
creada especialmente para as Heroínas de Sálvora.
Entre os contidos inéditos, destacan as notas manuscritas de Valle
Inclán sobre o naufraxio coas que o autor tiña previsto escribir unha
traxedia que nunca chegou a ser publicada.
A mostra, instalada no Museo Municipal de Ribeira, inaugurouse o
sábado 2 de xaneiro de 2021, no mesmo día no que, cen anos antes,
a veciñanza ribeirense se botaba ao mar para acudir aos náufragos
dunha das traxedias marítimas máis destacadas da historia de
Galicia.
voceiros dos grupos municipais Vicente Mariño, Antón Vázquez
Cobas, Xose Manuel Vilas e Xurxo Ferrón. Por motivos de seguridade
sanitaria non se permitiu a asistencia de público. Foto Beatriz Martínez del Campo y Ricoy
O motivo da conmemoración destes feitos débense a que na
madrugada do 2 de xaneiro do ano 1921, o barco de vapor “Santa
Isabel”, con pasaxe emigrante cara a América, naufragou fronte
costa da illa de Sálvora. Ía con 266 persoas a bordo, incluíndo á
tripulación. Foi o maior desastre da navegación marítima de
pasaxe do século XX en España.
Ante a traxedia, xurdiron comportamentos humanos de solidariedade
de mulleres e homes ribeirenses que acudiron ao rescate salvando e
coidando aos 53 sobreviventes. Algúns recibiron destacados
recoñecementos oficiais, como as coñecidas “Heroínas de Sálvora”.
Catro mulleres que centraron a atención mediática da época durante
meses, mesmo a nivel internacional.