Galicia rexistrou hoxe 6 persoas que foran diagnosticadas por coronavirus. Os falecidos son unha muller de 84 anos, no CHUACM, unha muller de 88 anos, no hospital HM-MODELO BELÉN da Coruña, un home de 92 anos falece na residencia da Pastoriza, un home de 86 anos, no Hospital de Verín; unha muller de 91 anos, no CHOP e un home de 100 anos, falece na residencia integrada Bo Día Sagunto de Vigo (procedente da residencia Moledo).Todos eles presentaban patoloxías previas.
Por outra banda a Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 9.479 deles 2.260 son da área da Coruña, 890 da de Lugo, 1.232 da de Ourense, 832 da de Pontevedra, 1.720 da área de Vigo, 1.886 da de Santiago, e 659 da de Ferrol.
Do total de pacientes positivos, 73 están en UCI, 438 en unidades de hospitalización e 8.968 no domicilio. Polo de agora, en Galicia hai un total de 60.363 persoas curadas, rexistrándose 1.480 falecementos.
O número de PCR realizadas é de 1.201.074.
O número de doses de vacina contra a covid-19 administradas é de 33.346.
