Estes martes 5 de xaneiro será un día de ilusión para a rapazada rianxeira, unha xusta recompensa para meses de dar exemplo co seu comportamento. Trátase da visita dos Reis Magos ás parroquias do concello, unha visita que as Súas Maxestades van facer baixo as máis estritas medidas de seguridade e que, para garantir o distanciamento e o desfrute por parte de todas as nenas e nenos do municipio, retransmitirase pola canle municipal de Youtube. O percorrido comezará ás 16.30 horas na parroquia de Isorna (Seixiñal) e rematará aproximadamente na propia vila de Rianxo ás 19.30 horas.
Percorrido programado a través dos seguintes viarios e estradas principais:
Isorna – Leiro – A Fincheira – Urb. A Martela – Arcos Moldes – Estrada de Rianxiño – O Pazo – Asados – Burés – O Araño – Taragoña (volta en Pte. Beluso) – Taragoña – Fachán – O Pazo – Rinlo – Rosalía de Castro – Arcos Moldes – Estrada de Tanxil – Paseo da Ribeira – Praza Castelao – Paseo da Ribeira – Auditorio (recepción polas autoridades. Sen público).
Como dixemos, poderase seguir a cabalgata e posterior recepción (sen público) en streaming a través da canle de Youtube do Concello de Rianxo.
Recoméndase seguir aos Reis desde as propias casas ou achegarse a un lugar seguro, onde se poidan cumprir as medidas preventivas e de seguridade.
