Un dos poucos buques mercantes do mundo propulsados por carga nuclear, o ruso Sevmorput, navega hoxe en augas entre Marrocos e as Illas Canarias e farao a principios da semana próxima fronte ás costas de Galicia na súa viaxe de regreso a San Petersburgo, a segunda cidade da Federación Rusa, situada na desembocadura do río Neva, á que ten previsto chegar o 31 de decembro.
O cargueiro sufriu unha avaría nas pas dunha hélice cando se achaba, a mediados do mes de outubro, nas proximidades de Angola. Esta avaría, que non puideron solucionar os tripulantes do buque, fixo que este se aproximase ás costas angoleñas e de aquí, a Luanda, desprazouse a unha velocidade media de 4 a 6 nós despois de que mecánicos rusos trasladados desde San Petersburgo para arranxar a avaría que afectaba o navío, solucionasen a medias o problema que lle impedía a normal navegación. O Sevmorput é un cargueiro que o mesmo pode transportar gran (ten capacidade para 4.084 m3 e seis adegas de carga) que portacontedores de 20 e 40 piés, sendo a súa capacidade neste sentido de 1.328 TEUs. A súa eslora total é de 260,3 metros, por 32,2 metros de manga e un calado de 11,8 metros e 38.226 TRB. Construído en Ucraína en 1988, o cargueiro pertence á compañía Russian Breaker, da Federación Rusa. Con pavillón ruso, o navío dispón de dobre casco nas zonas de adega. O reactor atómico que utiliza ten 150,7 quilos de uranio enriquecido que produce 215 toneladas de vapor por hora a unha temperatura de 290 graos centígrados. En caso de emerxencia, segundo os datos publicados no rexistro de buques, o cargueiro ruso pode xerar vapor mediante o uso de maquinaria diesel. As noticias ao redor deste buque da Federación Rusa e o coñecemento de que non figura en ningún rexistro do P&I levanta in inevitable receo en Galicia dado que, necesariamente, ao seu retorno a San Petersburgo ha de navegar polas proximidades do cabo “Finisterre” para dirixirse ao golfo de Finlandia, onde se acha esa cidade rusa da que partira con rumbo ao Oeste de África, aínda que oficialmente dise que navegaba con destino á Antártida. @obarbanza