Tráxica xornada no Son onde dous homes morren, un na rúa e outro na súa casa

O primeiro dos falecidos rexistrouse a primeira hora da mañá cando un veciño alertou á policia de que unha persoa estaba tirada na rúa, no centro urbano de Porto do Son. Ao lugar acudiu a Garda Civil e unha ambulancia de emerxencias que nada puideron facer por salvarlle a vida. O xuíz decretou o levantamento do cadáver que foi trasladado a Santiago para practicarlle a autopsia. O home que residía na proximidade de onde apareceu morto vivía con outra persoa e traballaba como mariñeiro nun cerqueiro de Portosín desde facía moitos anos.

Mentres o 112 recibiu un aviso para acudir a unha vivenda do lugar da Iglesia, na parroquia de Baroña, donde morrera un home de 75 anos que vivía co seu irmán. O ancián púidose atragoar e caeu ao chan dándose un golpe.

Ao lugar desprazouse unha dotación de emerxencias sen que puideran facer nada pola vítima. A Policía Local sonense e a Garda Civil permaneceron no domicilio á espera do xuíz que ordenou o levantamento do cadáver.