Edificios emblemáticos de Rianxo, A Coruña e Ferrol iluminaranse na iniciativa Acende o Xacobeo


Edificios emblemáticos da Coruña, Ferrol e Rianxo, en concretoa Igrexa de Santa Columna en Rianxo, a Torre de Hércules, o Teatro Jofre en Ferrol , iluminanse desde o martes dentro do programa ‘Acende o Xacobeo’, segundo informa a Delegación Territorial da Xunta.

A Igrexa rianxeira iluminarase a partir das 21 horas deste martes.

Este programa, que inclúe a iluminación de 91 monumentos, inclúe a iluminación destes tres edificios ata o 25 de decembro.
Posteriormente haberá outras dúas fases, entre o 26 e o 28 de decembro e entre o 29 e o 31 de decembro co que, en total, iluminaranse 14 edificios emblemáticos da provincia coruñesa.

Trátase de monumentos representativos dos diferentes roteiros do Camiño de Santiago que pasan pola provincia, aos que se suman outros 27 monumentos do resto de provincias galegas e 50 doutras 10 autonomías que colaboran na iniciativa.

A iluminación nos concellos galegos levará a cabo de forma secuencial a través das distintas etapas dos roteiros xacobeos ata chegar á catedral de Santiago evocando elrecorrido que realizan os peregrinos.

Así, os monumentos escollidos para cada fase iluminaranse de cor azul, coa proxección do logotipo do Xacobeo 2021 e a frecha amarela. Ademais, na Torre do Reloxo da Catedral, coñecida como A Berenguela, proxectarase durante o período un vídeo de animación que tamén recreará a peregrinación a Compostela.